 |
دبئی میں گاڑیوں کی خاص نمبر پلیٹ کی نیلامی میں گزشتہ رات ہفتے کو ایک رجسٹریشن پلیٹ جس پر نمبر 7 درج تھا نیلامی میں
ساڑھے پانچ کروڑ درھم (ڈیڑھ کروڑ ڈالر) میں فروخت
ہوئی ہے۔
عرب نیوز کے مطابق نایاب گاڑیوں کی نمبر پلیٹس اور فون نمبر دبئی میں ایک چیریٹی نیلامی میں فروخت کیے گئے ہیں جس کا
مقصد رمضان میں ضرورت مندوں کے لیے ایک ارب
فوڈ پیکٹ کی تقسیم ہے۔
امارات میں ایک وقف فنڈ میں چیریٹی کے طور پر ضروت مندوں کے لیے ایک ارب درھم (تقریباً 27 کروڑ ڈالر) اکٹھے
کرنے کا ہدف ہے۔
رمضان مہم کے طور پر عطیہ جمع کرنے کی مہم میں87 ہزار سے زیادہ حصہ داروں نے نصف رمضان تک تقریبا 14 کروڑ ڈالر کا
عطیہ دیا ہے۔
واضح رہے کہ متحدہ عرب امارات محمد بن راشد المکتوم گلوبل انیشیٹوز فاؤنڈیسن نے رمضان المبارک میں مساکین کے لیے
ایک مستحکم عطیہ مہم کے طور پر وقف فنڈ
قائم کیا تھا۔
محمد بن راشد المکتوم گلوبل انیشیٹوز فاؤنڈیسن کے سیکرٹری جنرل محمد بن عبداللہ القرقاوی نے بتایا ہے کہ عطیہ دہندگان کی
جانب سے 51 کروڑ 40 لاکھ درھم کی بڑی امداد متحدہ عرب امارات کی کمیونٹی میں یکجہتی کی اقدار کے عزم کا ثبوت ہے جو
ہماری ثقافت کا لازم جزو ہے۔
محمد القرقاوی نے مزید بتایا ہے کہ یہ کثیر رقم کاروباری اداروں، سرکاری و نجی شعبوں کے علاوہ انفرادی طور پر کمیونٹی کے
مختلف طبقات کی جانب سے عطیہ کی گئی ہے
جو متحدہ عرب امارات میں فراخدلی کے کلچر کی گواہی دیتی ہے۔
گزشتہ تین برس سے جاری کی گئی یہ مہم کورونا کے دنوں میں رمضان 2020 کے دوران دس کروڑ فوڈ پیکٹ کے ساتھ عالمی وبا
کے متاثرین کی حمایت میں اپنی نوعیت کا پہلا اور
سب سے بڑا یکجہتی کا مظاہرہ تھا۔
رمضان 2021 میں دس کروڑ خوراک پیکٹ کی مہم چلائی گئی جو کہ عرب علاقوں، افریقہ اور ایشیا کے 20 ممالک میں دی جانے
والی خوراک کی سب سے بڑی امدادی مہم تھی۔
متحدہ عرب امارات میں جاری اس مہم میں اداروں اور افراد کی جانب سے وقف فنڈ میں دیئے جانے والے عطیات کا
خیرمقدم کیا جاتا ہے۔